Nəqliyyat şöbəsinin rəisi

Nəqliyyat şöbəsinin fəaliyyətinin effektiv təşkilini, işçi heyətinin və nəqliyyat vasitələri parkının idarə edilməsini, istehsalatın nəqliyyat ehtiyaclarının vaxtında, təhlükəsiz və səmərəli şəkildə təmin olunmasını həyata keçirmək.

Əsas vəzifə və öhdəliklər

• Nəqliyyat şöbəsinin fəaliyyətini təşkil etmək, sürücü, dispetçer, operator və digər əməkdaşlardan ibarət komandanı idarə etmək;
• İşçi heyətinin iş və növbə qrafiklərinin hazırlanmasına, iş bölgüsünə və iş vaxtının uçotuna nəzarət etmək;
• İstehsalatın tələbatına uyğun olaraq nəqliyyat vasitələri və texnikaların gündəlik fəaliyyətini planlaşdırmaq və koordinasiya etmək;
• Avtoparkın texniki və istismar vəziyyətinə nəzarət etmək, texniki xidmət və təmir ehtiyaclarını müəyyənləşdirmək;
• Nəqliyyat vasitələri və texnikaların təmir, texniki xidmət və ehtiyat hissələri ilə təmin olunması proseslərini koordinasiya etmək;
• Yükdaşıma, yükləmə-boşaltma və digər nəqliyyat əməliyyatlarının gündəlik və növbəlik planlaşdırılmasını təşkil etmək;
• Nəqliyyat vasitələrinin hərəkət qrafiklərinə, yükgötürmə və istismar normalarına uyğun istifadəsinə nəzarət etmək;
• Daşıyıcı şirkətlər tərəfindən göstərilən xidmətlərin vaxtında və müəyyən edilmiş tələblərə uyğun həyata keçirilməsinə nəzarət etmək;
• Nəqliyyat vasitələri və texnikalar üzrə uçotun və müvafiq sənədləşmənin düzgün aparılmasını təmin etmək;
• Nəqliyyat xərclərinin səmərəli idarə edilməsinə, resurslardan optimal istifadəyə və əməliyyat effektivliyinin artırılmasına nəzarət etmək;
• Nəqliyyat əməliyyatlarında təhlükəsizlik qaydalarına və şirkətin daxili prosedurlarına riayət olunmasını təmin etmək.

• Ali texniki və ya logistika/nəqliyyat sahəsi üzrə ali təhsil;
• Nəqliyyat sahəsində minimum 3–5 il, rəhbər vəzifədə isə minimum 2 il iş təcrübəsi;
• Avtopark və nəqliyyat əməliyyatlarının idarə edilməsi üzrə praktiki təcrübə;
• Texniki xidmət, təmir, yükdaşıma və nəqliyyat təhlükəsizliyi üzrə bilik;
• Azərbaycan dilini mükəmməl, rus və ya ingilis dilini arzuolunan səviyyədə bilmək;
• MS Office (xüsusilə Excel) proqramlarında sərbəst işləmək;
• SAP və 1C bilikləri üstünlükdür;
• Texniki və ya nəqliyyat sahəsi üzrə sertifikatların olması üstünlükdür.