Təsərrüfat işləri üzrə mütəxəssis

"ATS Mill MMC"-nin Xırdalan şəhərində yerləşən istehsalat və administrative kompleksi üçün müəssisədaxili təmizlik, nizam-intizam və operativ təsərrüfat proseslərinin fasiləsizliyini təmin edəcək Təsərrüfat işləri üzrə mütəxəssis axtarışındayıq. Bu vəzifə ofis və istehsalat/anbar ərazilərində təmizlik və sanitariya standartlarına riayət olunmasına nəzarəti, təsərrüfat heyətinin (təmizlikçilər və köməkçi fəhlələr) işinin planlaşdırılması və koordinasiyasını, xırda texniki-təmir ehtiyaclarının vaxtında qarşılanmasını, eləcə də ləvazimat təminatı və inzibati təşkilati məsələlərin effektiv idarə olunmasını əhatə edir.

Əsas Öhdəliklər

• Ofis, müəssisə ərazisi və təsərrüfat sahələrində təmizlik və səliqəyə nəzarət etmək;
• Təmizlikçi və təsərrüfat işçilərinin gündəlik fəaliyyətini təşkil və koordinasiya etmək;
• Əraziyə mütəmadi baxış keçirmək və aşkar edilmiş çatışmazlıqların aradan qaldırılmasını təmin etmək;
• Təsərrüfat ləvazimatları və təmizlik vasitələrinə olan ehtiyacı müəyyən etmək, onların təminatını və uçotunu təşkil etmək;
• Texniki xidmət və xırda təmir işlərini təşkil və koordinasiya etmək;
• Gündəlik təsərrüfat işlərinin fasiləsiz və səmərəli təşkilini təmin etmək;
• Zərurət yarandıqda rəhbərliyin xarici işgüzar səfərləri ilə bağlı nəqliyyat və digər təşkilati məsələləri koordinasiya etmək;
• Daxili qaydalara və əməyin mühafizəsi tələblərinə riayət olunmasına nəzarət etmək;
• Rəhbərlik tərəfindən verilən digər müvafiq tapşırıqları yerinə yetirmək.

Namizədə dair Tələblər

• Təhsil: Bakalavr təhsili;
• Təcrübə: Təsərrüfat və inzibati işlər sahəsində iş təcrübəsi olması üstünlükdür;
• Peşəkar və Texniki Biliklər:
• Təsərrüfat işlərinin təşkili və işçilərin fəaliyyətinə nəzarət bacarığı;
• Təsərrüfat ləvazimatlarının təminatı və uçotunun aparılması bacarığı;
• MS Office proqramlarında işləmək bacarığı;
• Şəxsi Keyfiyyətlər: Təşkilatçılıq və koordinasiya bacarıqları, məsuliyyətlilik, dəqiqlik, operativlik, effektiv ünsiyyət və komanda ilə işləmək bacarığı.