İnfrastruktur layihələri üzrə qrup rəhbəri

• Avtomobil nəqliyyatı infrastrukturu obyektlərinin (dayanacaqlar, taksi duracaqları, terminallar, Nəqliyyat Mübadilə Mərkəzləri və s.) yerlərinin təhlil olunması və layihələndirilməsi;
• Yol hərəkətinin təşkili üzrə daxil olan layihələrə, habelə avtomobil yollarının, keçidlərin, avtovağzalların yenidən qurulması layihələrinə rəylərin verilməsi;
• Dayanacaq pavilyonlarının standartlara uyğun yerlərinin müəyyənləşdirilməsi və quraşdırılması üçün təkliflərin/sifarişlərin hazırlanması;
• Mövcud və planlaşdırılan marşrut xətləri üzərində avtobus dayanacaq məntəqələrinin yerlərinin təhlil edilməsi, müvafiq rəylərin alınaraq aidiyyəti üzrə təşkil olunması;
• Taksi dayanacaqları və dayanma yerlərinin təşkili üzrə araşdırmaların aparılması, müvafiq rəylərin öyrənilərək icrasının təmin edilməsi;
• Quraşdırılmış yol hərəkətinin təşkilinin texniki nizamlama vasitələrinin AYNA-nın Coğrafi İnformasiya Sisteminə (CİS/GIS) əlavə edilməsi və yenilənməsinə nəzarət olunması;
• Fəaliyyət istiqaməti üzrə milli və beynəlxalq standartların, normativ hüquqi aktların hazırlanmasında iştirak edilməsi, beynəlxalq təcrübənin öyrənilməsi;
• Vətəndaş və təşkilat müraciətlərinin, eləcə də sorğuların qanunvericiliyə (“Vətəndaşların müraciətləri haqqında” Qanun) uyğun olaraq vaxtında, dəqiq araşdırılması və cavablandırılması.

Təhsil: Yol hərəkətinin təşkili, avtomobil yolları, sərnişin daşımaları, logistika və ya müvafiq nəqliyyat sahəsi üzrə ali təhsil;

İş təcrübəsi: Müvafiq sahədə ən azı 5 il peşəkar iş təcrübəsi (layihələndirmə və rəy vermə təcrübəsi mütləqdir);

Elmi/akademik fəaliyyət: Vakant vəzifənin fəaliyyət funksiyaları üzrə məqalələrin olması və konfranslarda iştirak (üstünlükdür);

“Yol hərəkəti haqqında” və “Avtomobil nəqliyyatı haqqında” Azərbaycan Respublikasının Qanunlarının, yol nişanları və nişanlama xətlərinin, texniki nizamlama vasitələrinin quraşdırılması standartlarının mükəmməl biliyi;

Dayanacaq məntəqələrinin standartlara və qanunvericilik aktlarına uyğun təşkil edilməsi qaydaları üzrə biliklər;

“Vətəndaşların müraciətləri haqqında” Azərbaycan Respublikasının Qanununu üzrə biliklər;

Stresə davamlılıq, müraciətlərin operativ təhlili, kameral və ərazidə işləmək qabiliyyəti, vətəndaş və təşkilatlarla peşəkar danışıqlar aparmaq qabiliyyəti;

Mexaniki transmissiyalı nəqliyyat vasitəsini idarəetmə vərdişləri (üstünlükdür).

Proqram təminatı bilikləri:

• AutoCAD — Mükəmməl;
• ArcGIS / GIS — Yaxşı;
• Google Earth Pro — Yaxşı;
• MS Office (Excel, Word) — Yaxşı.

Dil Bilikləri:

• Azərbaycan dili — Sərbəst (rəsmi yazışma və kargüzarlıq səviyyəsində);
• Xarici dil bilikləri (İngilis və ya Rus dili) (üstünlükdür).