Həkim – Anestezioloq-Reanimatoloq

Vəzifənin təsviri:

• Müasir profilaktika, diaqnostika, müalicə və reabilitasiya metodlarından istifadə etməklə pasiyentlərə anestezioloji və reanimatoloji tibbi yardım göstərmək, pasiyentin klinik vəziyyətini qiymətləndirərək anesteziya və intensiv terapiya planını hazırlamaq və icrasını təmin etmək.
• Cərrahi pasiyentlərin perioperativ tibbi xidmətini həyata keçirmək (preanesteziya müayinəsi və əməliyyata hazırlıq, əməliyyat zamanı anesteziyanın tətbiqi və intensiv terapiya tədbirləri, postanesteziya müşahidəsi) və bu prosesləri müvafiq klinik protokollara uyğun idarə etmək.
• Reanimasiya və intensiv terapiya şöbəsində kritik vəziyyətdə olan pasiyentlərin müalicəsini və həyati funksiyalarının davamlı monitorinqini təmin etmək, zəruri reanimasiya, diaqnostik və müalicə prosedurlarını həyata keçirmək.
• Tibbi sənədlərin (o cümlədən anesteziya vərəqəsi) mövcud qaydalara uyğun olaraq vaxtında və düzgün rəsmiləşdirilməsini təmin etmək, tibbi avadanlıq və dərman vasitələrinin düzgün və səmərəli istifadəsinə nəzarət etmək.
• Müalicə-profilaktika müəssisəsinin digər şöbələri ilə əməkdaşlıq etmək, orta və kiçik tibb heyətinin fəaliyyətinə metodiki dəstək göstərmək, pasiyentlərin tibbi maarifləndirilməsində iştirak etmək və tibbi etika, sanitariya-epidemioloji və təhlükəsizlik qaydalarına riayət etmək.

Namizədə tələblər:

• Ali tibbi təhsil və Anesteziologiya və Reanimatologiya ixtisası üzrə müvafiq ixtisaslaşma.
• Müvafiq sahə üzrə klinik bilik və praktik bacarıqlar.
• Tibbi protokollar, pasiyent təhlükəsizliyi və klinik standartlar üzrə biliklər.
• Komanda ilə işləmək, effektiv kommunikasiya və klinik qərarvermə bacarıqları.
• Xaricdə təhsil almış, akademik tədqiqat fəaliyyəti və universitet mühitində iş təcrübəsi olan namizədlərə üstünlük verilir.
• Namizədin fəaliyyətində dürüstlük, ədalətlilik, yüksək peşəkar standartlara sadiqlik, əməkdaşlıq və xəstə yönümlü yanaşma kimi institusional dəyərlərə uyğun davranış nümayiş etdirməsi gözlənilir.