Aparıcı memar ( bərpa işləri üzrə )

PMD Projects MMC
Neftçilər Prospekti, Bakı, Azərbaycan
Tam ştat

14-10-2026

Müraciət et

Təsvir

Layihələrin ilkin mərhələlərində araşdırmalar aparmaq, sahəni və mövcud tikilini təhlil etmək, ilkin memarlıq yanaşmasının formalaşdırılmasını təmin etmək;
Bərpa və konservasiya layihələri üzrə mövcud tikilinin tarixi inkişafını, memarlıq xüsusiyyətlərini, mövcud vəziyyətini, material və elementlərini araşdırmaq və layihələndirmə prosesində nəzərə almaq;
Mövcud memarlıq elementlərinin qorunması, bərpası, konservasiyası, dəyişdirilməsi və ya yenidən qurulması üzrə həllərin hazırlanmasında iştirak etmək və müvafiq təkliflər vermək;
·Bərpa və konservasiya həllərinin mövcud binanın memarlıq xüsusiyyətlərinə, tətbiq olunan materiallara, texnologiyalara və layihə tələblərinə uyğunluğunu yoxlamaq;
Layihələndirmə məlumatlarını qəbul etmək və təhlil etmək, ehtiyac və hədəflərə uyğunluğu barədə rəhbərliyə tövsiyələrlə birgə hesabat təqdim etmək;
Layihələndirmə məlumatlarını estetik, funksional və texniki tələblərə, mövcud tikilinin xüsusiyyətlərinə və ətraf mühitə uyğunluğu baxımından yoxlamaq və layihəçiləri müvafiq tələblərə istiqamətləndirmək;
Layihələndirmə məlumatlarının Azərbaycan Respublikası qanunvericiliyinin, şəhərsalma və tikintiyə dair normativ sənədlərin, eləcə də layihə üzrə müəyyən edilmiş beynəlxalq standartların tələblərinə uyğun hazırlanmasını təmin etmək;
Bərpa və konservasiya üzrə tətbiq olunan müvafiq normativ tələblərin və layihə prinsiplərinin layihə sənədlərində nəzərə alınmasını təmin etmək;
Layihə rəhbərinin komandasının üzvü kimi layihəyə cəlb edilmiş memarlar, mühəndislər, layihəçi təşkilatlar, məsləhətçilər, bərpa və konservasiya üzrə mütəxəssislər və digər maraqlı tərəflərlə koordinasiyalı fəaliyyət göstərmək;
Layihələndirmə müddətləri üzrə müvafiq tövsiyələr vermək və İş Qrafikinin layihələndirməyə aid iş həcmlərinə uyğunluğunu yoxlamaq;
Layihənin tender prosesinə texniki dəstək vermək, spesifikasiyaları və iş həcmlərini yoxlayaraq müvafiq texniki rəy vermək;
Bərpa və konservasiya işlərində istifadə olunması nəzərdə tutulan material, nümunə və texniki həlləri memarlıq tələbləri baxımından nəzərdən keçirmək və rəy vermək;
Tikinti mərhələsində mövcud vəziyyət və ya əvvəlcədən müəyyən edilməmiş şərait nəticəsində yaranan memarlıq məsələlərini təhlil etmək və müvafiq həllərin hazırlanmasını koordinasiya etmək;
İstehsalatın müvafiq sınaq və yoxlamalarında, eləcə də tikintinin təhvil-təslim prosesində iştirak etmək,
Tələb edildiyi halda layihənin bütün mərhələlərində texniki sənədlərə ekspert rəyi vermək, təhlillər aparmaq, büdcə və xərclərin optimallaşdırılması üçün təkliflər vermək;
Layihələndirmə sənədlərinin hazırlanması, paylanması, saxlanılması, təsdiqi və arxivləşdirilməsinin müvafiq prosedurlara uyğun həyata keçirilməsini təmin etmək.

Tələblər

Ali təhsil: Memarlıq ixtisası üzrə;
İş təcrübəsi: Müvafiq sahə üzrə azı 5 il (tikinti və ofis) iş təcrübəsi, o cümlədən bərpa və konservasiya layihələri üzrə praktiki iş təcrübəsi;
Tarixi və mövcud binaların bərpası, konservasiyası və adaptasiyası prinsipləri üzrə bilik və praktiki təcrübə;
Tarixi tikililərdə istifadə olunan materiallar, tikinti üsulları, memarlıq elementləri və onların bərpa metodları barədə biliklər;
Mövcud tikililərin vəziyyətinin təhlili, qorunmalı elementlərin müəyyən edilməsi və uyğun bərpa həllərinin hazırlanması üzrə təcrübə;
Bərpa və konservasiya layihələrinin sənədləşdirilməsi və tikinti mərhələsində tətbiqi üzrə təcrübə;
Tikinti normativ sənədləri barədə biliklər: AzDTN, SNİP, NFPA və layihəyə tətbiq olunan digər müvafiq standartlar;
Dil bilikləri: Azərbaycan dili - səlis; İngilis dili - yaxşı;
Kompüter bilikləri: MS Office, AutoCAD;
Yüksək ünsiyyət, koordinasiya və komandada işləmək bacarığı, daim inkişafa yönümlü olmaq .