Sənəd Dövriyyəsi üzrə Mütəxəssis

Vəzifənin qısa təsviri:

Bu vəzifənin əsas məqsədi şirkətin sənəd idarəetmə sisteminin və daxili proseslərinin korporativ idarəetmə prinsiplərinə uyğun olaraq hüquqi və metodoloji baxımdan düzgün, sistemli və səmərəli şəkildə təşkilini təmin etməkdir.

Əsas vəzifə öhdəlikləri:

• Şirkətin fəaliyyət istiqamətlərini və iş proseslərinin xüsusiyyətlərini öyrənmək və təhlil etmək.
• Korporativ idarəetmə çərçivəsinin, daxili siyasət və prosedurların hazırlanması və tətbiqini təmin etmək, zəruri metodoloji yanaşmaları formalaşdırmaq.
• Sənəd idarəetmə sistemlərini hazırlamaq, tətbiq etmək və onların effektiv fəaliyyətinə nəzarət etmək.
• Fiziki və elektron sənədlərin düzgün təsnifatını, qeydiyyatını, idarə olunmasını və saxlanılmasını (o cümlədən arxivləşdirilməsini) təmin etmək, zəruri sənədləri hazırlamaq.
• Sənədlərin dövriyyəsinə nəzarət etmək, yenilənmə, dəyişiklik və təsdiq proseslərinin vaxtında həyata keçirilməsini təmin etmək.
• Daxili qaydalara və normativ tələblərə uyğunluğun yoxlanılması məqsədilə mütəmadi auditlər aparmaq.
• Direktorlar Şurasının və komitələrin iclaslarında katib funksiyasını yerinə yetirmək.
• Rəhbərlik tərəfindən verilən tapşırıqları yüksək peşəkarlıq və məsuliyyətlə icra etmək.

Arzu olunan təhsil və təcrübə:

• Hüquq və ya Korporativ İdarəetmə ixtisası üzrə bakalavr dərəcəsi; müvafiq sahə üzrə magistr təhsili üstünlük hesab olunur.
• Azərbaycan və ingilis dillərini yüksək səviyyədə bilmək.
• Korporativ idarəetmə sahəsində minimum 2 il iş təcrübəsi və daşınmaz əmlak sektoru üzrə yaxşı biliklər.
• Tənzimlənən sahələrdə iş təcrübəsinin olması üstünlükdür.

Tələb olunan bacarıqlar:

• Detallara yüksək diqqətlilik.
• Güclü analitik düşüncə və araşdırma bacarıqları.
• Effektiv yazılı və şifahi ünsiyyət bacarıqları.