Hesabatlılıq və Büdcələmə üzrə baş mütəxəssis

Vəzifənin təsviri:

Bu vəzifə məlumatlı qərarverməni dəstəkləmək məqsədilə yüksək keyfiyyətli idarəetmə hesabatlılığı, büdcələmə və maliyyə nəzarəti fəaliyyətlərinin həyata keçirilməsinə, eyni zamanda mühasibatlıq və digər biznes funksiyaları ilə effektiv koordinasiyanın təmin edilməsinə yönəlib.

İdeal namizəd güclü analitik bacarıqlara, detallara yüksək diqqətə malik, təşəbbüskar maliyyə mütəxəssisi olmalı və dinamik biznes mühitində müxtəlif maraqlı tərəflərlə səmərəli əməkdaşlıq edə bilməlidir.

Namizəd PASHA Real Estate Group-un baş ofisi və seçilmiş qrup şirkətləri üzrə hesabatlılıq, büdcələmə və maliyyə təhlili fəaliyyətlərinin dəstəklənməsinə cavabdeh olacaqdır.

Əsas vəzifə öhdəlikləri:

Büdcələmə və Maliyyə Nəzarəti:

• Əsas biznes tərəfdaşları ilə əməkdaşlıq edərək illik büdcələmə və rüblük proqnozlaşdırma proseslərini dəstəkləmək.
• Baş ofisin xərc mərkəzləri və əməliyyat xərclərinin təsdiq edilmiş büdcələrə uyğunluğunu izləmək, kənarlaşmaları və əsas xərc amillərini müəyyən etmək.
• Daxili maraqlı tərəflər üçün vaxtında, dəqiq və dəyər yaradan aylıq idarəetmə hesabatlarını hazırlamaq və təqdim etmək.
• Pul vəsaitləri axını üzrə fərziyyələrin tamlığını, düzgünlüyünü və ardıcıllığını təmin etmək məqsədilə inkişaf, kommersiya, mühasibatlıq, xəzinədarlıq və layihə komandaları ilə koordinasiyanı həyata keçirmək.
• Büdcə-fakt və proqnoz kənarlaşmalarının təhlilini aparmaq, əsas dəyişikliklər və biznes amilləri üzrə aydın izahatlar təqdim etmək.

Tikinti Maliyyəsi:

• İnkişaf və tikinti layihələri üzrə mərkəzləşdirilmiş və dolayı xərclərin bölüşdürülməsi metodologiyalarının daxili siyasətlərə uyğun şəkildə tətbiqini dəstəkləmək.
• İnkişaf və tikinti layihələrinin maliyyə göstəricilərini, o cümlədən büdcə istifadəsini, tamamlanma dəyəri təhlilini və potensial büdcə aşımı risklərini izləmək.
• Rəhbərlik üçün layihələr üzrə maliyyə hesabatlarının, təhlillərin və təqdimat materiallarının hazırlanmasında iştirak etmək.

ERP Layihələri və Avtomatlaşdırma:

• ERP sistemləri, büdcələmə və idarəetmə hesabatlılığının təkmilləşdirilməsi təşəbbüslərində iştirak etmək.
• Avtomatlaşdırma, proseslərin optimallaşdırılması və hesabatlılığın səmərəliliyinin artırılması imkanlarını müəyyən etmək və onların tətbiqini dəstəkləmək.
• Hesabat bazalarının, şablonların və analitik alətlərin hazırlanmasına töhfə vermək.

Tələb olunan təhsil və təcrübə:

• Maliyyə, Mühasibatlıq, İqtisadiyyat və ya əlaqəli sahə üzrə ali təhsil və/və ya ACCA, ACA, CIMA kimi peşəkar mühasibatlıq kvalifikasiyaları.
• İdarəetmə hesabatlılığı, büdcələmə və ya maliyyə nəzarəti sahəsində minimum 5 il iş təcrübəsi.
• Maliyyə planlaşdırılması və hesabatlılığı proseslərinin idarə olunması üzrə təsdiqlənmiş təcrübə.
• Azərbaycan və ingilis dillərində sərbəst ünsiyyət bacarığı; rus dili biliyi üstünlükdür.
• Müxtəlif ERP sistemləri ilə iş təcrübəsi.
• Böyük təşkilatlarda Big4 və ya oxşar peşəkar mühitdə əvvəlki iş təcrübəsi.

Tələb olunan bacarıqlar:

• Hesabatlılıq strukturları, büdcə nəzarəti və xərc bölgüsü prinsipləri üzrə güclü biliklər.
• Tikinti və inkişaf layihələrinin maliyyə prosesləri və layihə xərcləri strukturları barədə anlayış.
• Maraqlı tərəflərin idarə olunması və biznes tərəfdaşlığı üzrə güclü bacarıqlar.
• Proseslərin səmərəliliyinin artırılması və avtomatlaşdırmaya yönəlmiş davamlı təkmilləşdirmə yanaşması.
• Xüsusilə funksiyalararası koordinasiya sahəsində güclü ünsiyyət və əməkdaşlıq bacarıqları.