Risk üzrə Mütəxəssis

PASHA Real Estate Group komandamıza qoşulacaq Risk üzrə Mütəxəssis axtarır.

Risk üzrə Mütəxəssis Qrup üzrə təşkilati risklərin idarə edilməsi fəaliyyətlərinin həyata keçirilməsinə dəstək verəcək, risklərin qiymətləndirilməsi, risk hesabatlarının hazırlanması, monitorinq və risklərin azaldılması üzrə təşəbbüslərin icrasında iştirak edəcək. Vəzifə sahibi biznes funksiyaları və əməliyyat şirkətləri ilə sıx əməkdaşlıq edərək risklərə dair məlumatlılığın artırılmasına, əsaslandırılmış qərarların qəbul edilməsinə və daxili siyasət və tənzimləyici tələblərə uyğunluğun təmin edilməsinə töhfə verəcək.

Əsas vəzifə və öhdəliklər:

• Daşınmaz əmlak, otellər, tikinti layihələri, ticarət mərkəzləri və digər biznes fəaliyyətləri üzrə təşkilati risk qiymətləndirmələrinin aparılmasına dəstək vermək.
• Qərarların qəbulunu dəstəkləmək məqsədilə risklərlə bağlı məlumatları toplamaq, təhlil etmək və şərh etmək.
• Risklərə dair məlumatlılıq mədəniyyətinin formalaşdırılması məqsədilə funksiyalararası komandalar və biznes bölmələri ilə əməkdaşlıq etmək.
• Müvafiq biznes bölmələri ilə koordinasiya edərək risk və nəzarət qiymətləndirmə seminarlarının təşkilini və keçirilməsini dəstəkləmək.
• Departamentlərlə əməkdaşlıq edərək sektora xas və yeni yaranan riskləri qiymətləndirmək və onlar barədə hesabat hazırlamaq.
• Risklərin idarə edilməsi üzrə hesabatlar hazırlamaq və PASHA Real Estate Group-un əməliyyat şirkətləri üzrə Risk Assessment Sheet (RAS) və Risk Control Matrix (RCM) sənədlərinin hazırlanmasını koordinasiya etmək.
• Risk məlumatlarını təhlil etmək və rəhbərliyin nəzərdən keçirməsi üçün ətraflı risk təhlili hesabatları hazırlamaq.
• Risklərin azaldılması planlarının hazırlanmasına və həyata keçirilməsinə dəstək vermək, onların departamentlər və biznes bölmələri üzrə icrasını izləmək.
• Biznesin və müvafiq sektorların xüsusiyyətlərinə uyğun risklərin idarə edilməsi alətlərinin hazırlanmasına və tətbiqinə dəstək vermək.
• Biznes funksiyalarına risklərə nəzarət strategiyaları və risklərin azaldılması tədbirləri üzrə məsləhətlər vermək.
• Təşkilati risklərin idarə edilməsi üzrə daxili siyasətlərə, prosedurlara və müvafiq xarici tənzimləyici tələblərə uyğunluğun təmin edilməsinə dəstək vermək.
• Potensial riskləri və risklərin azaldılması tədbirlərinin effektivliyini əks etdirmək məqsədilə Əsas Risk Göstəricilərinin (KRI) hazırlanmasını, tətbiqini və monitorinqini dəstəkləmək.
• Müxtəlif layihələr və biznes bölmələri üzrə risk göstəricilərini və metrikaları izləmək və monitorinq etmək.
• Təşkilati risklərlə bağlı məsələlərin həlli məqsədilə digər departamentlərlə koordinasiya etmək.
• Əməkdaşlar üçün risklərin idarə edilməsi üzrə təlim və maarifləndirmə proqramlarının hazırlanmasında və həyata keçirilməsində iştirak etmək.
• İş proseslərində yaranan əməliyyat və təşkilati riskləri vaxtında müəyyən etmək və onların aradan qaldırılması üçün müvafiq tədbirlərin görülməsinə dəstək vermək.
• Kommersiya sirri hesab edilən məlumat və sənədlərin məxfiliyini qorumaq.
• Qrupdaxili siyasətlərə, daxili qaydalara, təlimatlara, prosedurlara və digər tələblərə riayət etmək.
• Birbaşa rəhbər tərəfindən verilən digər şifahi və yazılı tapşırıqları yerinə yetirmək.

• Risklərin idarə edilməsi, Maliyyə, İqtisadiyyat, Biznesin idarə edilməsi, Audit və ya əlaqəli sahə üzrə ali təhsil.
• Təşkilati risklərin idarə edilməsi, əməliyyat riskləri, daxili nəzarət, audit, komplayens və ya əlaqəli sahədə müvafiq iş təcrübəsi.
• Güclü analitik və problem həll etmə bacarıqları.
• Mürəkkəb məlumatları təhlil etmək və risk məlumatlarını aydın və praktik tövsiyələrə çevirmək bacarığı.
• Güclü kommunikasiya və maraqlı tərəflərlə əməkdaşlıq bacarıqları.
• Funksiyalararası komandalar və biznes bölmələri ilə effektiv işləmək bacarığı.
• Risklərin idarə edilməsi prinsipləri, çərçivələri və metodologiyaları üzrə yaxşı bilik.
• Microsoft Office, xüsusilə Excel və PowerPoint proqramlarında yaxşı istifadə bacarığı.
• Azərbaycan və ingilis dillərini mükəmməl bilmək.