Böyük Maliyyə Mütəxəssisi

Tabaterra MMC
74 Üzeyir Hacıbəyli, Bakı, Azerbaijan/Port Baku Walk
Tam ştat

04-08-2026

262

Müraciət et

Təsvir

Gündəlik maliyyə əməliyyatlarını, o cümlədən ödənişlərin icrasını, vəsaitlərin idarə olunması, banklarla münasibətlərin və xəzinədarlıq əməliyyatlarının həyata keçirilməsi və nəzarətdə saxlanılması;
Pul vəsaitlərinin hərəkəti planının (həftəlik, aylıq və illik) hazırlanması və izlənilməsi, likvidliyə nəzarət etmək və ödəniş öhdəliklərinin vaxtında yerinə yetirilməsinin təmin edilməsi;
İstehsal, kommersiya, inzibati və kapital xərcləri üzrə illik büdcənin hazırlanması, konsolidasiyası və monitorinq proseslərində iştirak edilməsi;
Büdcənin xərc mərkəzləri üzrə icrasına nəzarət edilməsi, plan-fakt kənarlaşmalarını təhlil etmək və büdcə sahibləri ilə birlikdə səbəblərin araşdırılması;
Ödəniş sorğularının, müqavilələrin, hesab-fakturaların və əlavə sənədlərin büdcə limitləri, müqavilə şərtləri, daxili prosedurlar və vergi tələbləri baxımından yoxlanılması;
Mühasibatlıq komandası ilə birlikdə aksiz vergisinin və tütün sektoruna aid digər ödənişlərin hesablanmasına nəzarət etmək, aksiz markalarının istifadəsinin maliyyə təsirinin izlənilməsi;
Məhsulun maya dəyərinin, qiymət strukturlarının və brend, SKU və satış kanalları üzrə marja təhlilinin hazırlanmasının dəstəklənməsi;
Debitor və kreditor borclarını idarə etmək: müştəri kredit limitlərini, borcların yaşlanmasını, vaxtı keçmiş qalıqları və təchizatçı ödəniş şərtlərinin izlənilməsi, tərəflərlə üzləşmə aktlarının hazırlanması;
Maliyyə Meneceri və yuxarı rəhbərlik üçün dövri idarəetmə hesabatlarının, maliyyə göstəriciləri panellərinin hazırlanması;
Xarici valyuta əməliyyatlarının, konvertasiyaların, valyuta riskinin monitorinqini və beynəlxalq ödənişlər üzrə sənədləşmənin həyata keçirilməsi;
Kredit xətləri, zəmanətlər və lizinq müqavilələri üzrə işi dəstəkləmək, banklar və maliyyə institutlarının tələb etdiyi sənədlərin hazırlanması;
İnventarizasiya, əsas vəsaitlərin yoxlanılması və maliyyə funksiyası üzrə daxili nəzarət prosedurlarında iştirak edilməsi;
Kənar və daxili auditlərə, vergi yoxlamalarına və qrup hesabatlılığı sorğularına maliyyə məlumatları ilə dəstəyin verilməsi;
Maliyyə proseslərinin, hesabat şablonlarının və ERP əsaslı iş axınlarının təkmilləşdirilməsinə və avtomatlaşdırılmasına töhfə verilməsi.

Tələblər

Maliyyə, mühasibat uçotu, iqtisadiyyat və ya əlaqəli sahə üzrə ali təhsil;
Maliyyə, xəzinədarlıq, büdcələşdirmə və ya kontrollinq sahəsində ən azı 3–5 il təcrübə; istehsalat və ya FMCG şirkətində təcrübə üstünlükdür;
Maliyyə planlaşdırması, büdcələşdirmə, pul vəsaitlərinin idarə olunması və xərclərə nəzarət prinsipləri üzrə yaxşı biliklər;
Mühasibat uçotu prinsipləri, IFRS əsasları və Vergi Məcəlləsi, o cümlədən tütün məmulatlarının aksiz vergisi üzrə iş biliyi;
Microsoft Excel üzrə yüksək səviyyəli biliklər (pivot cədvəllər, mürəkkəb düsturlar, məlumat modelləşdirmə) və ERP sistemləri (SAP) ilə iş təcrübəsi;
Bank platformaları, ödəniş sistemləri və xarici valyuta əməliyyatları ilə iş təcrübəsi;
Güclü analitik və riyazi bacarıqlar, yüksək dəqiqlik və detallara diqqət;
Yaxşı ünsiyyət və hesabat hazırlama bacarıqları (yazılı və şifahi);
Azərbaycan dilini sərbəst bilmək və İngilis dilində yaxşı səviyyə; Rus dili üstünlükdür.