Alternativ Maliyyə Xidmətləri Şöbəsinin Müdiri

• Şöbənin fəaliyyətini təşkil etmək, idarə etmək və fəaliyyət nəticələrinə görə məsuliyyət daşımaq;
• Alternativ maliyyə xidmətləri istiqamətində strateji inkişaf təşəbbüslərinin hazırlanmasında iştirak etmək və icrasını təmin etmək;
• Yeni biznes imkanlarının, satış kanallarının, tərəfdaşlıq modellərinin və gəlir mənbələrinin müəyyənləşdirilməsini təşkil etmək;
• Beynəlxalq kart təşkilatları, ödəniş xidməti təchizatçıları, agentlər, xidmət təminatçıları və digər tərəfdaşlarla əməkdaşlıq münasibətlərinin qurulmasına və inkişafına rəhbərlik etmək;
• Beynəlxalq kart təşkilatlarının təşviq proqramları və biznes təşəbbüsləri üzrə danışıqların aparılmasını və təşkilatın maraqlarının təmsil olunmasını təmin etmək;
• Yeni tərəfdaşlıq təşəbbüsləri üzrə biznes modellərinin, kommersiya şərtlərinin, gəlirlilik təhlillərinin və iqtisadi əsaslandırmaların hazırlanmasını təşkil etmək;
• Yeni məhsul, xidmət və əməkdaşlıq təşəbbüslərinin formalaşdırılmasını təmin etmək və aidiyyəti layihələrin icrasını koordinasiya etmək;
• Tərəfdaşlarla bağlanacaq müqavilələrin biznes hissəsinin hazırlanmasını və kommersiya şərtlərinin razılaşdırılmasını təmin etmək;
• Mövcud tərəfdaşlarla əməkdaşlıq şərtlərini, tarifləri və gəlir paylaşımı mexanizmlərini təhlil etmək, təkmilləşdirmə üzrə təkliflər hazırlamaq;
• Bazar araşdırmalarının aparılmasını və rəqabət mühitinin təhlil edilməsini təşkil etmək;
• Şöbənin fəaliyyət göstəricilərinin (KPI) müəyyənləşdirilməsində iştirak etmək, icrasına nəzarət etmək və nəticələr üzrə hesabatlılığı təmin etmək;
• Şöbə əməkdaşlarının fəaliyyətini qiymətləndirmək, inkişaf ehtiyaclarını müəyyən etmək və peşəkar inkişaflarını dəstəkləmək;
• Şöbənin fəaliyyəti üzrə dövri hesabatlar, təqdimatlar və təkliflər hazırlamaq və rəhbərliyə təqdim etmək;
• Şöbənin fəaliyyətinin daxili normativ sənədlərə, strateji hədəflərə və qanunvericiliyin tələblərinə uyğun təşkil edilməsini təmin etmək;
• Rəhbərlik tərəfindən verilən digər aidiyyəti tapşırıqları icra etmək.

Təhsil

• Maliyyə, İqtisadiyyat, Biznesin idarə edilməsi, Marketinq və ya İnformasiya texnologiyaları sahələri üzrə ali təhsil.

Üstünlük hesab edilir:

• Magistr təhsili;
• MBA dərəcəsi;
• Müvafiq beynəlxalq peşəkar sertifikatlar.

İş təcrübəsi

• Bankçılıq, ödəniş xidmətləri, fintech və ya maliyyə xidmətləri sahəsində minimum 5 il iş təcrübəsi;
• Minimum 2 il rəhbər vəzifədə iş təcrübəsi.

Üstünlük hesab edilir:

• Visa və Mastercard layihələrində iştirak təcrübəsi;
• Acquiring biznesi üzrə təcrübə;
• Agent və tərəfdaş şəbəkələrinin idarə olunması təcrübəsi;
• Biznes inkişafı və tərəfdaşlıqların idarə olunması üzrə təcrübə.

Peşəkar biliklər

• Ödəniş ekosistemi və kart əsaslı ödəniş alətləri üzrə biliklər;
• Acquiring və issuing biznesi üzrə biliklər;
• Agent və tərəfdaşlıq modelləri üzrə biliklər;
• Rəqəmsal ödəniş xidmətləri üzrə biliklər;
• Biznes inkişafı və tərəfdaşlıqların idarə olunması üzrə biliklər;
• Kommersiya danışıqlarının aparılması bacarığı;
• Gəlir modellərinin hazırlanması və gəlirlilik təhlili üzrə biliklər;
• Bazar araşdırmaları və rəqabət mühitinin təhlili üzrə biliklər;
• Visa, Mastercard və digər beynəlxalq ödəniş sistemlərinin məhsulları, proqramları və əməkdaşlıq modelləri üzrə biliklər;
• Biznes əsaslandırmalarının hazırlanması və büdcələşdirmə prinsipləri üzrə biliklər;
• Komissiya və gəlir paylaşımı modelləri üzrə anlayış.

Dil bilikləri

• Azərbaycan dili – sərbəst;
• İngilis dili – minimum B2 səviyyəsində.
• Rus dili biliyi (üstünlükdür)

Kompüter bilikləri

• MS Office proqramlarında, xüsusilə Excel və PowerPoint proqramlarında yüksək səviyyədə işləmək bacarığı.

Üstünlük hesab edilir:

• Power BI proqramında işləmək bacarığı.

Şəxsi keyfiyyətlər

• Analitik düşüncə və strateji yanaşma;
• Güclü ünsiyyət və təqdimat bacarıqları;
• Danışıqlar aparmaq və maraqlı tərəflərlə effektiv əməkdaşlıq qurmaq bacarığı;
• Liderlik və komanda idarəetmə bacarıqları;
• Nəticəyönümlülük və təşəbbüskarlıq;
• Yüksək məsuliyyətlilik və qərarvermə bacarığı.

Əlavə üstünlüklər

• Merchant acquiring layihələri üzrə təcrübə;
• QR ödənişləri və mobil ödəniş həlləri üzrə təcrübə;
• Loyalty və cashback proqramlarının idarə olunması üzrə təcrübə;
• Visa Business Development və Mastercard Business Development proqramları ilə iş təcrübəsi