Şəbəkələr üzrə Qrup Rəhbəri (Network Team Lead)

Guven Technology — bizneslərin rəqəmsal transformasiyasını dəstəkləyən, müasir və innovativ İT həlləri təqdim edən texnologiya şirkətidir. Şirkət informasiya texnologiyaları, İT infrastrukturu, şəbəkə həlləri və kibertəhlükəsizlik istiqamətlərində fəaliyyət göstərir.

Komandamıza şəbəkə infrastrukturunun idarə edilməsi, inkişafı və təhlükəsizliyinin təmin olunması, texniki əməliyyatların effektiv təşkili və şəbəkə komandası fəaliyyətinin koordinasiyası istiqamətində təcrübəli və nəticəyönümlü Şəbəkələr üzrə Qrup Rəhbəri (Network Team Lead) axtarırıq.

• Şirkətin və xidmət göstərilən müəssisələrin şəbəkə infrastrukturunun layihələndirilməsi, inkişafı və idarə edilməsinə rəhbərlik etmək;
• LAN, WAN, WLAN, SD-WAN, VPN və digər şəbəkə həllərinin arxitekturasının müəyyənləşdirilməsini və tətbiqini təmin etmək;
• Şəbəkə infrastrukturunun dayanıqlı, fasiləsiz, təhlükəsiz və effektiv fəaliyyətinə nəzarət etmək;
• Şəbəkə avadanlıqlarının, internet bağlantılarının, Firewall, VPN və VoIP xidmətlərinin monitorinqini və texniki vəziyyətinin idarə edilməsini təmin etmək;
• Şəbəkə üzrə Incident, Problem və Change Management proseslərinin effektiv icrasını təşkil etmək, insidentlərin kök səbəblərinin müəyyənləşdirilməsinə və aradan qaldırılmasına rəhbərlik etmək;
• Şəbəkə infrastrukturunda informasiya təhlükəsizliyi standartlarının, şəbəkə seqmentləşdirmə və girişə nəzarət mexanizmlərinin tətbiqini təmin etmək;
• Şəbəkə xidmətləri üzrə SLA və KPI göstəricilərinin izlənilməsini və müəyyən edilmiş hədəflərə nail olunmasını təmin etmək;
• Şəbəkə infrastrukturu üzrə layihələrin planlaşdırılmasına və icrasına rəhbərlik etmək, layihələrin vaxtında və müəyyən edilmiş büdcə çərçivəsində tamamlanmasına nəzarət etmək;
• Şəbəkə avadanlıqları, proqram təminatı və lisenziyalar üzrə ehtiyacları müəyyənləşdirmək, texniki spesifikasiyaların hazırlanmasını və resursların effektiv idarə edilməsini təmin etmək;
• Təchizatçılar və telekommunikasiya operatorları ilə texniki məsələlər üzrə əməkdaşlığı və koordinasiyanı həyata keçirmək;
• Şəbəkə komandasının fəaliyyətini təşkil etmək, iş bölgüsünü və tapşırıqların icrasını koordinasiya etmək, əməkdaşların fəaliyyətini qiymətləndirmək və peşəkar inkişafını dəstəkləmək;
• Komanda daxilində texniki bilik mübadiləsini, sənədləşməni və bilik bazasının formalaşdırılmasını təmin etmək;
• Şəbəkə infrastrukturunun vəziyyəti, xidmət keyfiyyəti, insidentlər, risklər və layihələrin icrası üzrə hesabatları hazırlamaq və rəhbərliyə təqdim etmək;
• Şəbəkə infrastrukturunun optimallaşdırılması, standartlaşdırılması və yeni texnologiyaların tətbiqi istiqamətində təşəbbüslər irəli sürmək.

• İnformasiya Texnologiyaları, Kompüter mühəndisliyi, Telekommunikasiya və ya əlaqəli sahələr üzrə ali təhsil;
• Şəbəkə infrastrukturu sahəsində 5-7 il iş təcrübəsi, o cümlədən minimum 2 il komanda idarəetməsi və ya texniki liderlik üzrə rəhbərlik təcrübəsi;
• Enterprise səviyyəli şəbəkə infrastrukturunun layihələndirilməsi və idarə edilməsi üzrə praktiki biliklər;
• Cisco, Juniper, HPE Aruba, Fortinet, Palo Alto və digər şəbəkə və təhlükəsizlik avadanlıqları ilə iş təcrübəsi;
• Routing & Switching, VLAN, STP, OSPF, BGP, QoS, LAN, WAN, WLAN, SD-WAN və VPN texnologiyaları üzrə dərin biliklər;
• Firewall, NGFW, NAC, şəbəkə təhlükəsizliyi və seqmentləşdirmə həlləri üzrə biliklər;
• Zabbix, SolarWinds, Nagios, Wireshark və digər şəbəkə monitorinqi və trafik analiz alətləri ilə iş təcrübəsi;
• ITIL çərçivəsində Incident, Problem və Change Management prosesləri üzrə biliklər;
• Layihələrin idarə edilməsi, texniki sənədləşmə və hesabatlılıq bacarıqları;
• Komanda idarəetməsi, effektiv kommunikasiya, analitik düşünmə, prioritetləşdirmə və qərarvermə bacarıqları;
• Azərbaycan dili üzrə sərbəst, ingilis dili üzrə yaxşı, rus dili biliyi üstünlükdür.